კონფიდენციალურობის პოლიტიკა

კოფიდენციალურობის პოლიტიკა 

 

შესავალი 

ვინ ვართ ჩვენ 

შპს პრო ალკო (შემდგომში „კომპანია“, „Alcozon“ ან „ჩვენ“) წარმოადგენს საქართველოს კანონმდებლობის შესაბამისად რეგისტრირებულ იურიდიულ პირს, რომელიც თქვენი მონაცემების დამუშავებისას მოქმედებს, როგორც მონაცემთა დამმუშავებელი (დამუშავებისთვის პასუხისმგებელი პირი). 

საიდენტიფიკაციო კოდი: 406451263  

იურიდიული მისამართი: საქართველო, თბილისი, კრწანისის რაიონი, კრწანისის I ჩიხი N 1 ბ. 8 

საკონტაქტო ინფორმაცია  

ელექტრონული ფოსტის მისამართი: info@alczon.ge;  

ტელეფონის ნომერი: +995 574 00 09 19 

პოლიტიკის მიზანი 

ჩვენი მიზანია, გაგაცნოთ, როგორ ამუშავებს და იყენებს კომპანია თქვენს პერსონალურ მონაცემებს. შესაბამისად, წინამდებარე კონფიდენციალურობის პოლიტიკის საშუალებით ჩვენ მოგაწოდებთ ინფორმაციას შემდეგ საკითხებზე: 

• იმ პრიციპების შესახებ, რის მიხედვითაც კომპანია ხელმძღვანელობს თქვენი პერსონალური მონაცემების დამუშავების პროცესში; 

• კომპანია რა სახის პერსონალურ მონაცემებს აგროვებს თქვენს შესახებ, როდესაც თქვენ რეგისტრირდებით ჩვენს მომხმარებლად და სარგებლობთ კომპანიის პროდუქტით; 

• თუ როგორ მუშავდება თქვენი მონაცემები ჩვენ მიერ და როგორ არის უზრუნველყოფილი თქვენი მონაცემების უსაფრთხოების, კონფიდენციალურობის, ხელმისაწვდომობის და მთლიანობის დაცვა; 

• თუ როგორ უზრუნველყოფს კომპანია კანონმდებლობით გათვალისწინებული თქვენი უფლებების დაცვას. 

ზოგადი დებულებები 

კომპანია თქვენს მონაცემებს ამუშავებს „პერსონალურ მონაცემთა დაცვის შესახებ“ საქართველოს კანონის შესაბამისად, კონკრეტული, მკაფიოდ განსაზღვრული მიზნებით და ამავე კანონით განსაზღვრული საფუძვლებით. ხოლო, აღნიშნული მიზნები და საფუძვლები კონკრეტულ პროცესთან მიმართებით შეგიძლიათ იხილოთ ქვემოთ. 

დაუშვებელია კომპანიამ დაამუშაოს თქვენი მონაცემები წინასწარ განსაზღვრული მიზნისგან განსახვავებული მიზნით, თუ არ აქვს შესაბამისი სამართლებრივი საფუძველი. 

თქვენი მონაცემების დამუშავებისას, დაცულია „პერსონალურ მონაცემთა დაცვის შესახებ“ საქართველოს კანონით განსაზღვრული მონაცემთა დამუშავების ყველა პრინციპი. 

ჩვენ მაქსიმალურად ვიცავთ თქვენ მონაცემებს და ამისათვის დანერგილი გვაქვს სათანადო ორგანიზაციული და ტექნიკური უსაფრთხოების ზომები. 

პოლიტიკაში გამოყენებულ ტერმინებს აქვთ „პერსონალურ მონაცემთა დაცვის შესახებ“ საქართველოს კანონით განსაზღვრული მნიშვნელობა. 

 

მონაცემები რომელსაც ვამუშავებთ 

ჩვენ ვამუშავებთ, მათ შორის, ვაგროვებთ და ვინახავთ  პერსონალურ მონაცემებს, რომელთაც თქვენ მოგვაწვდით პლატფორმაზე ჩვენს მომხმარებლად რეგისტრაციისთვის განკუთვნილი ველების შევსებისას. ასეთი მონაცემებია: 

• სახელი; 

• ელ.ფოსტის მისამართი; 

* მითითებული მონაცემები აუცილებელია თქვენი, როგორც ალკო ბრენდის მომხმარებლად რეგისტრაციისთვის, ამასთან, თქვენ ვალდებული ხართ თქვენ მიერ მითითებულ ელექტრონულ ფოსტაზე მიღებული ლინკით დააყენოთ თქვენთვის სასურველი პაროლი, რაც ასევე, საშუალებას მოგცემთ დაადასტუროთ თქვენი ვინაობა და მონაცემების უტყუარობა. 

გარდა ზემოთ ჩამოთვლილი პერსონალური მონაცემებისა, ალკო ბრენდის მიერ შესაძლებელია, დამუშავდეს თქვენი სხვა ისეთი პერსონალური მონაცემები, რომლებიც განსაზღვრულია საქართველოს კანონმდებლობით ან/და აუცილებელია მომსახურების გაწევისთვის. ასეთი მონაცემი შესაძლებლია იყოს: 

მაიდენტიფიცირებელი მონაცემები - სახელი, გვარი, მისამართი, სხვა ინფორმაცია, რომელსაც თქვენ მიაწოდებთ კომპანიას შეკვეთის განხორციელების ეტაპზე. 

ფინანსური და ტრანზაქციული - ინფორმაცია პლატფორმაზე თქვენი  გადახდების თაობაზე, საბანკო ანგარიშის ნომერი, საგადახდო ბარათის შესახებ ინფორმაცია (ბარათის ბოლო ოთხი ციფრი). 

ტექნოლოგიური - ინფორმაცია იმ ტექნიკა/ მოწყობილობების შესახებ, რომლებსაც იყენებთ ჩვენი პროდუქტების/პლატფორმების სარგებლობისას. 

ლოკაციური - მონაცემები თქვენს ადგილსამყოფელთან დაკავშირებით, რომელიც შესაძლოა კომპანიამ მოიპოვოს თქვენი მობილური ტელეფონის საშუალებით, კომპიუტერის ინტერნეტში ჩართვის მისამართიდან ან იმ ობიექტის ადგილმდეგარეობიდან, სადაც ახორციელებთ ოპერაციებს. 

სასურველი პროდუქტის შერჩევის შემდგომ მომხმარებელი, ანგარიშსწორების მიზნით, ირჩევს მისთვის ხელსაყრელ ანგარისშწორების გზას, გადამისამართდება ბანკის ანგარიშსწორების გვერდზე, სადაც უთითებს მისი ბარათის მონაცემებს და ადასტურებს გადარიცხვას. ალკო ბრენდი იღებს ინფორმაციას მხოლოდ მომხმარებლის მიერ ანგარიშსწორების შესახებ, მომხმარებლის პროვაიდერი ბანკის მიერ. 

 

მზა ჩანაწერები (cookies) 

ალკო ბრენდი იყენებს Cookie ფაილებს. Cookie არის მცირე ტექსტური ფაილი, ე.წ. „მზა ჩანაწერები“, რომელსაც ვებგვერდი აგზავნის და ინახება თქვენი მოწყობილობის ბრაუზერში, როდესაც თქვენ სტუმრობთ ჩვენს ვებგვერდს. მასში მოცემულია ინფორმაცია კონკრეტული ვიზიტორის, ვებგვერდზე განხორციელებული ქმედებების და ვებგვერდის მისამართის შესახებ. „მზა ჩანაწერები" მოქმედებენ როგორც ერთგვარი "მეხსიერება," რომელიც იმახსოვრებს თქვენს ქცევას ვებგვერდზე სტუმრობისას და საშუალებას აძლევს საიტს, წინა ვიზიტების მიხედვით უკეთ მოარგოს მომსახურება თქვენს საჭიროებებს, რაც საბოლოოდ ქმნის უფრო პერსონალიზებულ და კომფორტულ გამოცდილებას. 

 

ჩვენ ვაგროვებთ ინფორმაციას ვებგვერდზე თქვენი ვიზიტის შესახებ, შემდეგი სახის Cookie ფაილების გამოყენებით: 

აუცილებელი Cookie ფაილები: უზრუნველყოფენ ვებსაიტის შეუფერხებლად მუშაობას და ინახავენ მონაცემებს, როგორიცაა, ინფორმაცია თქვენი ვიზიტის, IP მისამართის, ვებგვერდის მისამართის, ვებგვერდის შიგნით გავლილი გზის შესახებ და სხვა ისეთ ინფორმაციას, რომელიც აუცილებელია ვებგვერდის ფუნქციების გამოსაყენებლად და გასაუმჯობესებლად. 

ფუნქციური Cookie ფაილები: ეხმარება ვებგვერდს მომხმარებლის გამოცდილების პერსონალიზაციაში. აღნიშნული ფაილები არ არის აუცილებელი საიტის ძირითადი ფუნქციონირებისთვის, მაგრამ მათი გამოყენება აუმჯობესებს ვებსაიტის მუშაობას და მომხმარებლის გამოცდილებას (UX). ფუნქციური Cookie ფაილები ინახავს: თქვენი მიერ არჩეული ენის ან/და რეგიონალური პარამეტრების შესახებ ინფორმაციას, რათა ყოველი ვიზიტისას თავიდან არ მოგიწიოთ მათი დაყენება. ასევე, თქვენ მიერ არჩეული ვიზუალის, განლაგების ან/და რეჟიმის შესახებ ინფორმაციას, არსებობის შემთხვევაში თქვენი პირადი ანგარიშის მონაცემებს და პარამეტრებს, რათა განმეორებით არ მოგიწიოთ პარამეტრების შეყვანა და სხვა მსგავს მონაცემებს, რომელიც დაკავშირებულია თქვენ მიერ ვებგვერდზე განხორციელებულ ქმედებასთან, ეხმარება ვებგვერდს უფრო ინტუიციური და კომფორტული გახადოს თქვენი გამოცდილება. 

ანალიტიკური Cookie ფაილები: გამოიყენება ვებგვერდის გამოყენების ანალიზისთვის და მისი მუშაობის გაუმჯობესებისთვის. ინახავს მონაცემებს თქვენი ქცევის შესახებ, მაგალითად, რამდენ დროს ატარებთ ვებგვერდზე, რომელ ღილაკს აჭერთ, რომელ ბმულებზე გადადიხართ, რამდენად ხშირად სტუმრობთ ვებგვერდს და როგორ გადააგდილდებით (საძიებო სისტემიდან, სხვა საიტებიდან, პირდაპირ ბმულიდან და სხვა.). Google Analytic-ის მომხმარებლის შიდა იდენტიფიკატორი - Google Analytic-ი არის მარტივი ინსტრუმენტი, რომელიც ვებგვერდის მფლობელს მომხმარებლებთან დაკავშირებული სტატისტიკური მონაცემების მიღებაში ეხმარება. ამისათვის კომპიუტერში გროვდება გარკვეული "ქუქები". მომხმარებლის შიდა იდენტიფიკატორი ინახება 2 წლის განმავლობაში და მისი წაშლა შესაძლებელია ვებბრაუზერის პარამეტრებიდან. 

მარკეტინგული Cookie ფაილები: გამოიყენება თქვენი ქცევისა და ინტერესების შესწავლისთვის, რათა მოგაწოდოთ პერსონალიზებული მარკეტინგული შეთავაზებები. ამგვარი ფაილები ინახავს ინფორმაციას, როგორიც არის, იმ პროდუქტების ან სერვისების შესახებ, რომლებსაც ათვალიერებთ, ასევე, მონაცემებს, ვებგვერდზე ყოფნის დროის, შესრულებული მოქმედებების (მაგ., რეგისტრაცია, განაცხადის შევსება და სხვა) შესახებ, თუ რა პროდუქტმა გამოიწვია თქვენი ინტერესი, თქვენი ინტერაქციის შესახებ ინფორმაციას და სხვა ინფორმაციას რომელიც დაკავშირებულია ვებგვერდის გაუმჯობესების მარკეტინგულ მიზნებთან. მარკეტინგული Cookie ფაილების დამუშავების პროცესში ვებსაიტი იყენებს Google Tag Manager (GTM), რომელიც არის Google-ის მიერ შემუშავებული თეგების მართვის სისტემა და საშუალებას აძლევს მარკეტერებსა და დეველოპერებს ვებსაიტი ეფექტურად მოარგონ მომხმარებლის ინტერესებს. Google Tag Manager-ის გამოყენებით, ალკო ბრენდს შეუძლია გაამარტივოს თეგების მართვის პროცესები, გააუმჯობესოს ვებსაიტის ფუნქციონალი და მიიღოს უფრო ღრმა ინფორმაცია მომხმარებლის ქცევაზე, დაცვისა და უსაფრთხოების მაღალი სტანდარტის შენარჩუნებით. 

 

* აღნიშნული ინფორმაცია კონფიდენციალურია და ვამუშავებთ ვებგვერდით სარგებლობის ხარისხის (UX) გაუმჯობესების და მარკეტინგული მიზნებისთვის. ჩვენს მიერ გამოყენებული Cookies ფაილები არ ინახავს იმგვარ პერსონალურ მონაცემებს, რაც შესაძლებელს გახდიდა თქვენს პირდაპირ იდენტიფიცირებას. Cookies ფაილებით შეგროვებული და შენახული მონაცემები არ გადაეცემა მესამე პირებს, გარდა ჩვენი კონფიდენციალურობის პოლიტიკით განსაზღვრული შემთხვევებისა.  

 

Cookie ფაილების მართვა: თქვენ შეგიძლიათ მართოთ „მზა ჩანაწერები“ (Cookies) თქვენივე ბრაუზერიდან, ამისთვის დაგეხმარებათ მითითებული ბმულები:  

https://shorturl.at/eJ2jP - (Firefox) 

https://shorturl.at/IwzHS - (Chrome) 

https://support.apple.com/en-us/105082 - (Safari web and IOS) 

 

იმ შემთხვევაში თუ გსურთ მეტი ინფორმაცია გაიგოთ Cookie ფაილების შესახებ, ეწვიეთ შემდეგ ბმულს: 

• https://allaboutcookies.org/ 

 

მონაცემების დამუშავება 

ქვემოთ მოცემულ ცხრილში წარმოდგენილია თქვენი პერსონალური მონაცემების დამუშავების მიზანი ყოველი კონკრეტულ შემთხვევისთვის, შესაბამის სამართლებრივ საფუძვლებზე მითითებით: 

პერსონალური მონაცემები	რისთვის ვიყენებთ თქვენს პერსონალურ მინაცემებს (დამუშავების მიზანი)	ჩვენი ლეგიტიმური ინტერესის შესახებ	დამუშავების სამართლებრივი საფუძველი
სახელი,  ელექტრონული ფოსტა და სხვა, მომხმარებლად რეგისტრაციისთვის აუცილებელი მონაცემი.	ალკო ბრენდის ვებსაიტზე მომხმარებლების რეგისტრაცია, მომავალში პროდუქტის მიწოდების მიზნით.	პროდუქტებისა და მომსახურების განვითარება;    კანონმდებლობით დაკისრებული ვალდებულების ეფექტურად შესრულება;	მომხმარებლისთვის მომსახურების გასაწევად1.
სახელი, გვარი, ელექტრონული ფოსტა, მისამართი, სხვა ინფორმაცია, რომელსაც თქვენ მოგვაწოდებთ შეკვეთის განხორციელების ეტაპზე.	თქვენთვის, როგორც ჩვენი რეგისტრირებული მომხმარებლისთვის პროდუქტის ვებგვერდის (პლატფორმის) საშუალებით მოწოდება.	პროდუქტებისა და მომსახურების განვითარება;    კანონმდებლობით დაკისრებული ვალდებულების ეფექტურად შესრულება;	მონაცემთა სუბიექტთან დადებული გარიგებით ნაკისრი ვალდებულების შესასრულებლად2;     მომხმარებლისთვის მომსახურების გასაწევად3.
საკომუნიკაციო მონაცემები - ელექტრონული ფოსტა, მობილური ტელეფონის ნომერი.	მომხმარებელთან ურთიერთობის დასამყარებლად, თანამშრომლობის ახალი გზების შესამუშავებლად და ჩვენი ბინზესის განსავითარებლად;     მომხმარებლისთვის უსაფრთხო გარემოს შექმნის მიზნით და მისთვის ვებგვერდის (პლატფორმის) გამოყენების საშუალებით პროდუქტის მიწოდების გამარტივებისთვის.	ჩვენი საკანონმდებლო მოვალეობებისა და სახელშეკრულებო ვალდებულებების ეფექტურად შესრულება;    პროცესთან რელევანტურ რეგულაციებთან შესაბამისობის უზრუნველყოფა.	მონაცემთა სუბიექტთან დადებული გარიგებით ნაკისრი ვალდებულების შესასრულებლად4;     მომხმარებლისთვის მომსახურების გასაწევად5.    დამუშავებისთვის პასუხისმგებელი პირის მნიშვნელოვანი ლეგიტიმური ინტერესის დასაცავად6.
ლოკაციასთან დაკავშირებული მონაცემები (მისამართი)	პროდუქტებისა და მომსახურების სამართავად და მისაწოდებლად;    ხელშეკრულებით ნაკისრი ~ვალდებულებების შესრულება.  დროული და ეფექტური მომსახურება, რაც გამოიხატება პროდუქტის მიწოდებაში.	ხელშეკრულებით ნაკისრი ვალდებულების შესრულება;    მომხმარებლის უფლებების დაცვა;	მონაცემთა სუბიექტთან დადებული გარიგებით ნაკისრი ვალდებულების შესასრულებლად7;   მომხმარებლისთვის მომსახურების გასაწევად8;    დამუშავებისთვის პასუხისმგებელი პირის მნიშვნელოვანი ლეგიტიმური ინტერესის დასაცავად9.
ფინანსური, ტრანზაციასთან დაკავშირებული მონაცემები.	ჩვენი ბიზნესის ეფექტიანად და მართებულად წარსამართავად, რაც მოიცავს ჩვენი ფინანსური პოზიციის, ბიზნეს შესაძლებლობის, დაგეგმვის, კომუნიკაციების, კორპორატიული მმართველობისა და აუდიტის მართვას;    მომხმარებლის უფლებების დაცვისა და თაღლითური ქმედებების პრევენციისთვის;	ჩვენთვის რელევანტურ რეგულაციებთან შესაბამისობის უზრუნველყოფა;    ჩვენი საკანონმდებლო და სახელშეკრულებო ვალდებულებების ეფექტურად შესრულება;	მონაცემთა სუბიექტთან დადებული გარიგებით ნაკისრი ვალდებულების შესასრულებლად10;    ჩვენი მნიშვნელოვანი ლეგიტიმური ინტერესის დასაცავად11.
მზა ჩანაწერები „cookies“  (აუცილებელი, ფუნქციური)	თქვენი მოთხოვნების შესასრულებლად, თქვენთვის საინტერესო პროდუქტებისა და მომსახურების იდენტიფიცირებისა და ამ ინფორმაციის თქვენთვის მოწოდებისთვის, თანამშრომლობის ახალი გზების შესამუშავებლად და ჩვენი ბინზესის განსავითარებლად;  იმის შესასწავლად, თუ როგორ იყენებენ მომხმარებლები ჩვენს პროდუქტებსა და მომსახურებას;  ვებგვერდების და მისი კომპონენტების ადაპტირებისთვის მომხმარებლის საჭიროებების მიხედვით;  ვებსაიტის მუშაობას და მომხმარებლის გამოცდილებას (UX) გასაუმჯობესებლად.	მონაცემთა განახლება, თქვენთვის საინტერსო პროდუქტებისა და მომსახურების იდენტიფიცირება.     პროდუქტებისა და მომსახურების განვითარება;    ვებგვერდის (პლატფორმის)  ხარისხის (UX) გაუმჯობესება;	მონაცემთა სუბიექტის თანხმობა12.

 

 

მონაცემების გამჟღავნება  

ჩვენ შეგვიძლია თქვენი მონაცემები გადავცეთ მესამე მხარეებს, შემდეგი მიზნით:  

• გადახდების დამუშავების მიზნით; 

• კანონმდებლობით გათვალისწინებული მოთხოვნის შესრულების მიზნით; 

• საქართველოს მოქმედი კანონმდებლობით პირდაპირ გათვალისწინებულ შემთხვევებში. 

 

თქვენი პერსონალური მონაცემების გაზიარება შეიძლება მოხდეს იმ შემთხვევაშიც თუ სამომავლოდ შეიცვლება კომპანიის სტრუქტურა.  მაგალითად:  

 

• იმ შემთხვევაში თუ კომპანია გადაწყეტს გაყიდოს ან გაასხვისოს საკუთარი აქტივები, ან განახორციელოს შერწყმის ოპერაცია. 

• ზემოხსენებული რომელიმე პროცესის განხორციელების შემთხვევაში ჩვენ შესაძლოა გავაზიაროთ თქვენი მონაცემები შესაბამის მხარესთან, იმ პირობით, რომ ხსენებული მხარე წინასწარ სავალდებულოდ იკისრებს თქვენი მონაცემების უსაფრთხოებისა და კონფიდენციალურობის დაცვის ვალდებულებას. 

 

თუ კომპანიის სტრუქტურის შეცვლის შემთხვევაში სხვა მხარეებს შეუძლიათ გამოიყენონ თქვენი მონაცემები, აღნიშნული უნდა განხორციელდეს წინამდებარე პოლიტიკითა და კანონით განსაზღვრული წესითა და ფარგლებში. 

 

ნებისმიერ იმ შემთხვევაში, როდესაც  ხდება თქვენი მონაცემების მესამე მხარისთვის გაზიარება,  ჩვენ ვიღებთ ყველა ზომას იმ მიზნით, რომ უზრუნველყოფილ იყოს მათი უსაფრთხოება, კონფიდენციალურობა, მთლიანობა და ხელმისაწვდომობა. 

 

ჩვენ უფლებას ვიტოვებთ კანონით მკაცრად განსაზღვრულ შემთხვევებში სამართალდამცავ თუ სხვა სახის ორგანოებს/ორგანიზაციებს მივცეთ წვდომა თქვენს პირად მონაცემებზე/გადავცეთ მონაცემები დანაშაულის დადგენის, გამოძიების, აღკვეთის თუ სხვა სამართლებრივი მიზნით. ჩვენ, ასევე, ვიტოვებთ უფლებას, გავცეთ თქვენი ინფორმაცია მომხმარებლების ან სხვათა უფლებების, საკუთრების ან უსაფრთხოების დაცვის მიზნით. 

 

მონაცემთა შენახვა და შენახვის ვადა 

თქვენს პერსონალურ მონაცემებს ვინახავთ იმ პროცესიდან გამომდინარე, თუ რა პროცესშიც დავამუშავეთ, მათ შორის, მივიღეთ და შევაგროვეთ მონაცემები. მონაცემების ელექტრონულად, ვებსაიტის საშუალებით, დამუშავების, მათ შორის მიღების და შეგროვების შემთხვევაში, თქვენი მონაცემები ინახება საქართველოში განთავსებულ სერვერზე და დაცულია არამართლზომიერი ან შემთხვევითი დაზიანებისგან, დაკარგვისგან, აგრეთვე უნებართვო გამჟღავნებისგან, განადგურებისგან, შეცვლისგან, მათზე წვდომისგან, მათი შეგროვებისგან/მოპოვებისგან ან სხვაგვარ უნებართვო დამუშავებისგან. აღნიშნულის უზრუნველსაყოფად მიღებულია მონაცემთა უსაფრთხოების სათანადო ორგანიზაციული, ტექნიკური და სამართლებრივი ზომები. 

თქვენს პირად მონაცემებს ვინახავთ თქვენი მომსახურების მთელი პერიოდის განმავლობაში. აგრეთვე, მომსახურების დასრულების შემდეგ სულ მცირე 3  წლის ვადით, შემდეგი მიზეზების გათვალისწინებით: 

• კითხვებსა და საჩივრებზე პასუხის გასაცემად; 

• თქვენ მიმართ სამართლიანი მოპყრობის დადასტურების მიზნით; 

• საქმისწარმოების განხორციელების მიზნებისთვის ჩვენ საქმიანობასთან მიმართებით არსებული რეგულაციის ფარგლებში; 

• კანონმდებლობით განსაზღვრული ვალდებულებების შესასრულებლად. 

* თქვენი მონაცემების შენახვა შესაძლებელია მოხდეს 3 წელზე მეტი ვადით იმ შემთხვევაში, თუ მოკლებული ვართ მისი წაშლის შესაძლებლობას შესაბამისი სამართლებრივი საფუძვლების გამო. 

 

თქვენი უფლებები 

„პერსონალურ მონაცემთა დაცვის შესახებ“ საქართველოს კანონის შესაბამისად, თქვენ გაქვთ უფლება: 

• მოითხოვოთ დადასტურება იმის შესახებ მუშავდება თუ არა თქვენი პერსონალური მონაცემები, დამუშავების საფუძვლის,  მიზნისა და შენახვის ვადების მითითებით; 

• გაეცნოთ თქვენს შესახებ შეგროვებულ პერსონალურ მონაცემებს; 

• მოითხოვოთ მცდარი, არაზუსტი ან/და არასრული მონაცემების გასწორება, განახლება ან/და შევსება; 

• მიიღოთ თქვენს შესახებ შეგროვებული პერსონალური მონაცემების ასლები (არსებობის შემთხვევაში); 

• მოითხოვოთ თქვენს შესახებ ჩვენთან არსებული პერსონალურ მონაცემთა დაბლოკვა (არსებობის შემთხვევაში); 

• მოითხოვოთ თქვენ მიერ გაცემული თანხმობის გამოხმობა; 

• ასევე, „პერსონალურ მონაცემთა დაცვის შესახებ“ საქართველოს კანონის მე-3 თავით გარანტირებული სხვა უფლებების რეალიზება. 

ჩვენ ვმოქმედებთ საქართველოს კანონმდებლობის შესაბამისად, რაც შესაძლოა გახდეს საფუძველი, რომ ვერ დავაკმაყოფილოთ ტქვენი მოთხოვნა და ვერ წავშალოთ თქვენი პერსონალური მონაცემები. ასეთი ვალდებულებები შესაძლოა გამომდინარეობდეს საგადასახადო კანონმდებლობის, მომხმარებელთა უფლებების დაცვისა და სხვა რელევანტური კანონმდებლობიდან. 

მნიშვნელოვანია, რომ ალკო ბრენდის მიერ თქვენი პერსონალური მონაცემების დამუშავება არ არის თქვენთვის ზიანის მომტანი. ალკო ბრენდი ზრუნავს თქვენი მონაცემების უსაფრთხოებაზე და დაცვაზე, ხელმძღვანელობს საერთაშორისოდ აღიარებული სტანდარტებით. 

 

უფლებების შეზღუდვა 

„პერსონალურ მონაცემთა დაცვის შესახებ“ საქართველოს კანონის შესაბამისად, მონაცემთა სუბიექტის უფლებები შეიძლება შეიზღუდოს, თუ ეს პირდაპირ არის გათვალისწინებული საქართველოს კანონმდებლობით, ამით არ ირღვევა ადამიანის ძირითადი უფლებები და თავისუფლებები, აუცილებელი და პროპორციული ზომაა დემოკრატიულ საზოგადოებაში და ამ უფლებების განხორციელებამ შეიძლება საფრთხე შეუქმნას: 

• სახელმწიფო უსაფრთხოების, ინფორმაციული უსაფრთხოებისა და კიბერუსაფრთხოების ან/და თავდაცვის ინტერესებს; 

• საზოგადოებრივი უსაფრთხოების ინტერესებს; 

• დანაშაულის თავიდან აცილებას, დანაშაულის გამოძიებას, სისხლისსამართლებრივ დევნას, მართლმსაჯულების განხორციელებას, პატიმრობისა და თავისუფლების აღკვეთის აღსრულებას, არასაპატიმრო სასჯელთა აღსრულებას და პრობაციას, ოპერატიულ-სამძებრო საქმიანობას; 

• ქვეყნისთვის მნიშვნელოვან ფინანსურ ან ეკონომიკურ (მათ შორის, მონეტარულ, საბიუჯეტო და საგადასახადო), საზოგადოებრივი ჯანმრთელობისა და სოციალური დაცვის საკითხებთან დაკავშირებულ ინტერესებს; 

• მონაცემთა სუბიექტის მიერ პროფესიული, მათ შორის, რეგულირებადი პროფესიის, ეთიკის ნორმების დარღვევის გამოვლენას და მისთვის პასუხისმგებლობის დაკისრებას; 

• მონაცემთა სუბიექტის ან/და სხვა პირების უფლებებსა და თავისუფლებებს, მათ შორის, გამოხატვის თავისუფლებას; 

• სახელმწიფო, კომერციული, პროფესიული და კანონით გათვალისწინებული სხვა სახის საიდუმლოებების დაცვას; 

• სამართლებრივი მოთხოვნის ან შესაგებლის დასაბუთებას. 

თქვენი, როგორც მონაცემთა სუბიექტის უფლების შეზღუდვისათვის გათვალისწინებული ზომა შეიძლება გამოყენებულ იქნეს მხოლოდ იმ მოცულობით, რომელიც აუცილებელია შეზღუდვის მიზნის მისაღწევად. უფლების შეზღუდვის საფუძვლების არსებობისას, ალკო ბრენდის გადაწყვეტილება მონაცემთა სუბიექტს ეცნობება იმგვარად, რომ ზიანი არ მიადგეს უფლების შეზღუდვის მიზანს. 

 

უსაფრთხოების ზომები 

ჩვენ უზრუნველვყოფთ ყველა ორგანიზაციულ და ტექნიკურ ზომას თქვენი პერსონალური მონაცემების დაცვისთვის, რაც აუცილებელია „პერსონალურ მონაცემების დაცვის შესახებ“ საქართველოს კანონით და მარეგულირებელი სამართლებრივი აქტებით.  

ჩვენ ვიღებთ აუცილებელ და საკმარის ორგანიზაციულ და ტექნიკურ ზომებს, რათა დავიცვათ თქვენი ინფორმაცია არაავტორიზებული ან შემთხვევითი წვდომისგან, განადგურებისგან, მოდიფიკაციისგან, დაბლოკვის, კოპირების, გავრცელებისგან, ასევე მესამე მხარის სხვა უკანონო ქმედებებისგან. 

ჩვენ ვერ ვიქნებით პასუხისმგებელი კიბერდამნაშავეებისა და სხვა დანაშაულებრივი ქმედებებით განპირობებული თქვენი პერსონალური მონაცემების სრულად ან ნაწილობრივ დაკარგვაზე. 

 

პოლიტიკის ცვლილება 

ალკო ბრენდი უფლებამოსილია, მოახდინოს წინამდებარე პოლიტიკის მოდიფიცირება საკანონმდებლო ან/და ჩვენი პერსონალურ მონაცემთა დამუშავების წესის ცვლილების შესაბამისად. კონფიდენციალურობის პოლიტიკაში განხორციელებული ნებისმიერი ცვლილება დაუყოვნებლივ გამოქვეყნდება კომპანიის ვებსაიტზე (პლატფორმა) - https://alcozon.ge/ და ძალაშია მისი გამოყვეყნებისთანავე. 

 

დაგვიკავშირდით  

თუკი გაქვთ შეკითხვები წინამდებარე კონფიდენციალურობის პოლიტიკისა თუ პერსონალური მონაცემების დაცვის ჩვენეულ პრაქტიკასთან დაკავშრებით, გთხოვთ, დაგვიკავშირდეთ: 

ელექტრონული ფოსტის მისამართი: info@alcozon.ge  

ტელეფონის ნომერი:  +995 574 00 09 19